Разбиена група дрвокрадци во Штип, одземени возила за превоз на нелегално исечени дрва

Акција на МВР, вработени во ЈП „Македонски шуми“ и Шумската полиција резултирала со одземање повеќе возила што, според објавата на Кире Михаилов, биле користени за превоз на бесправно исечени огревни дрва во регионот на Штип.

— реклама —

Акцијата започнала рано утрово, на празничниот ден, и била насочена кон група дрвокрадци кои, според Михаилов, подолг период дејствувале во штипскиот регион.

— реклама —

— реклама —

На повеќе локации на Плачковица биле одземени патнички возила со кои се превезувале поголеми количества бесправно исечени и нежигосани огревни дрва.

Михаилов најави дека ваквите акции ќе продолжат и порача дека нема да дозволат ниту еден регион во Македонија да биде оставен на милост и немилост на дрвокрадците.