ДРВА

Командир фатен со камион украдени дрва, судот му ги вратил - Михаилов со остра реакција: Да возам ли и јас камион?

Заменик директорот на ЈП „Македонски Шуми“, Кире Михаилов, со остра реакција на социјалните мрежи ја критикуваше судската пресуда со која, по 500 дена, се враќаат камион и дрва одземени во случај поврзан со командир на шумска полиција.„Командир на Шумска Полициска Станица фатен како вози камион со кој превезува дрва на територијата на неговата подружница!500 дена после настанот, судот носи пресуда со која ги враќа камионот и дрвата!Во пресудата е наведено дека државата ќе треба да плати милионска отштета за 500-те денови поради тоа што возилото и дрвата биле "незаконски" одземени!АЈДЕ МАЈКАТА!!!Па дете од 10 години ќе ја разбере приказнава, не мора да се трудиме да ја објаснуваме!Сега после ваква пресуда, сметам дека легитимно е да ги прашам граѓаните дали е попаметно и јас да се качам на камион и да си возам дрва место да се правам будала низ целата држава борејќи се со целиот систем?Легитимно е да прашам некои од судиите дали јас како Директор во ЈП "Македонски Шуми" е подобро да возам камион со дрва, да си правам дополнителен приход, да бидам мирен, смирен и финансиски многу подобар наместо ова што го работам без ниту една дневница плус, без ниту еден денар дополнителен приход?Па поради тоа кое јас лично го работам, во очите на секој од тие криминалци од шумската мафија сум крвен непријател кој кога тогаш ќе сакаат да му се осветат?И како всушност да се бориме со тој скоро целосно метастазиран криминален систем?Со кого?!?Против кого?!?Како да се бориме, а?!?!?Системот во оваа држава треба да им служи на граѓаните, а не на интересите на поединци заради остварување на нивни лични интереси!И да, ова не е првоаприлска шега туку вистината за трулиот, невидено криминално метастазиран систем поради кој МАКЕДОНИЈА плати невидена, немерливо висока цена!“, вели Михаилов.

Коментари | пред 13 часа

(Фото) Акции против бесправна сеча: одземени три моторни возила и голема количина дрва

Во текот на две одделни акции одземени се три моторни возила, поголема количина дрва и поднесени пријави за повеќе лица, вели заменик директорот на ЈП Национални шуми, Кире Михаилов.„Шумската полиција со службите на ПШС "Беласица" Струмица одземаа едно моторно возило и поголема количина складирани бесправно посечени огревни дрва.На Скопска Црна Гора, службите на полициска станица Мирковци одземаа едно моторно возило со кое се превезуваа бесправно посечени дрвни сортименти.Покрај овие акции, активности имаме на територијата на цела Македонија.Покрај пошумувањата и заштитата, во моментов се бориме да го ставиме под контрола пожарот на планината Јабланица во близина на градот Струга, пожар на чие гаснење дејствуваа и хеликоптери од воздух“, вели Михаилов.

Македонија | пред 2 седмици

Бесправно сечеле и продавале дрва со таблички од друго возило

Надворешната канцеларија за криминалистички работи Гостивар поднесе кривична пријава против Џ.Н. (64) и М.Н. (41), двајцата од село Речане, гостиварско, поради постоење основи на сомнение за сторени кривични дела „кражба“, „пустошење на шума“ и „фалсификување на исправа“.Според информациите, првопријавениот во атарот на село Речане, на место викано „Краста“, континуирано вршел бесправна сеча на дрва без одобрение од надлежен орган. Исечените дрва ги превезувал со патничко возило „опел фронтера“, на кое биле поставени регистарски ознаки од друго возило, а потоа ги продавал во Речане и околните села.Второпријавениот му помагал со тоа што ги поставил регистарските ознаки од друго возило. Со ваквите дејствија било оштетено Јавното претпријатие „Национални шуми“ – Гостивар за вкупен износ од 144.372 денари.

Македонија | пред 4 седмици

(Видео) Акција против нелегална сеча на дрва на Беласица – запленети возила

Кире Михаилов, заменик-директор на ЈП Национални шуми, на социјалните мрежи објави видеа од акцијата на планината Беласица, каде во текот на вчерашниот ден беа фатени дрвокрадци. Во рамки на акцијата се одземени возила со кои биле превезувани дрва без соодветна документација.„Планината Беласица над село Банско е подложена на страшен удар на дрвокрадците! Во текот на денешново попладне, во добро координирана заедничка акција во која учествуваа вработените на ПШС "Беласица" при ЈП "Македонски Шуми" и шумските полицајци од шумските полициски станици од Струмица и Валандово. Во оваа акција се одземени едно ТМВ комбе и едно ПМВ кола, две возила со кои изминатиов период е направена огромна штета на планината Беласица и против сите инволвирани ќе бидат поднесени соодветни пријави. Акцијата се одвиваше во струмичкиот регион на местата викани Муртински Колиби и Јаворник. Продолжуваме со уште посилно темпо кон решавање на сите оние кои се бават со нелегално сечење, нелегален превоз и нелегална продажба на дрво и дрвни сортименти“, вели Михаилов.„Продолжува акцијата на Беласица! Овојпат со помош на МВР и Граничната Полиција станица Ново Село, после одземените ТМВ комбе и ПМВ кола, одземено уште едно ПМВ кола со кое се превезувале бесправно посечени нежигосани огревни дрва, без соодветна документација и посечени на место кое не е предвидено за сеча ... Продолжуваме посветено во извршување на нашите задачи за добро на нашите сограѓани“, додаде Мхаилов.

Македонија | пред 1 месец

Ѓорѓиевски: Екипите целосно мобилизирани поради паднати дрвја во Скопје

Во Скопје, поради засилениот ветер и неповолните временски услови, на повеќе локации низ градот беа регистрирани паднати и оштетени дрвја, а градоначалникот Орце Ѓорѓиевски информира дека екипите се веќе на терен.„Екипите се на терен, реагираме навремено и координираноПоради засилениот ветер и неповолните временски услови, на повеќе локации низ градот беа регистрирани паднати и оштетени дрвја. Нашите служби веднаш излегоа на терен и постапуваат со целосна мобилизација, со цел отстранување на опасностите и обезбедување безбедно движење за граѓаните.Се сечат и расчистуваат паднатите дрвја, се отстрануваат скршените гранки и се нормализира сообраќајот таму каде што имаше застој.Приоритет ни е безбедноста на граѓаните и непреченото функционирање на градот.Апелирам до сите на зголемена внимателност додека траат активностите на терен. Продолжуваме посветено и одговорн“, вели градоначалникот Орце Ѓорѓиевски.

Скопје | пред 1 месец

Силен ветер во Скопје, паднати дрвја, скинати кабли, материјална штета на повеќе автомобили

Од Центарот за управување со кризи известуваат дека поради силниот ветер на шест локации во Скопје се пријавени паднати дрвја и скинати кабли.„Во Скопје, како резултат на силниот ветер во скопската котлина, на шест локации се пријавени паднати дрвја и искинати кабли, при што е причинета материјална штета на повеќе автомобили.За состојбата се известени СВР Скопје и ЈП „Паркови и зеленило“, кои преземаат мерки во рамки на своите надлежности“, велат од ЦУК.

Скопје | пред 1 месец

ЈП Национални шуми ќе исплаќа регрес во огревно дрво, Трендафилов реагира: Државниот инспекторат за труд да отвори постапка

Претседателот на ССМ, Слободан Трендафилов, објави дека директорот на ЈП Национални шуми заедно со Претседателот на синдикатот на КСС-СО, постигнале спогодба за исплата на регрес за годишен одмор за 2023/24/25 година. Се договориле исплатата да биде во огревни дрва.„Од рубриката верувале или не, ако е потпишана ваква СпогодбаДржавниот инспекторат за труд веднаш да постапи по пријавата и да утврди дали и од кој е потпишана ваква Спогодба која не само што е спротивна на Општиот колективен договор, спротивна е и на Кривичниот законик, а плаќањето во натура е спротивно на сите норми и принципи“, објави тој.

Македонија | пред 1 месец

(Фото) Запленети три шпедитери со бесправно исечено дрво

Шумочуварската служба од подружницата „Црн бор“ од Прилеп, во координација со Шумската полиција, заплени бесправно исечено дабово и багремово дрво натоварено во три шпедитери.Од ЈП Национални шуми информираат дека заплената била извршена во месноста викана Пештера, помеѓу селата Отевоец и Крстец. Дрвната маса била исечена од Шумско-стопанската единица Дервен Никодин.Надлежните служби преземаат мерки за целосно расчистување на случајот и утврдување на одговорноста за бесправната сеча и транспорт на дрвото.

Македонија | пред 1 месец

(Фото) Нелегална сеча на Галичица: Фатен трактор со дабови дрва спремни за транспорт

При теренска контрола извршена на 31 јануари 2026 година околу 15 часот, шумочуварската служба на подружницата „Преспадрво“ од Ресен открила бесправно посечени дабови зелени огревни дрва, подготвени за транспорт, во шумско-стопанската единица „Галичица – Болно“.Како што информираат од јавното претпријатие „Македонски шуми“, дрвата потекнуваат од засега непознат сторител. Тие се одземени и пренесени во склад на подружницата „Преспадрво“ во Ресен.На фотографиите кои беа објавени на социјалните мрежи, се гледа дека дрвата биле товарени на трактор, спремни за транспорт.

Македонија | пред 1 месец

(ВИДЕО) По бркотница низ шумата, шумската полиција ги фати дрвокрадците на Плачковица

Заменик-директорот на „Национални шуми“, Кире Михаилов на Фејсбук денеска сподели видео од акција каде на лице место се фатени дрвокрадци како пустошат на Плачковица.„Во текот на денешниот ден, на планината Плачковица во заедничка акција на ЈП "Македонски Шуми", Шумската Полиција и ОВР Радовиш, на лице место фативме група дрвокрадци.Се работи за дел од група која во изминатиот период направи големи штети на шумскиот фонд во овој потег на планината.Во текот на денешната акција беа одземени две моторни возила со кои се вршеше превоз на крадени дрвни сортименти, беше одземена една моторна пила и други орудија со кои се вршеше оваа нелегална сеча, т.е. пустошење на шумата.Морам да изразам голема благодарност за колегите, шумските полицајци и припадниците на МВР кои професионално и на ниво на задачата ја завршија.Активностите продолжуваат, нема застанување ниту тука, ниту каде било во Македонија каде се случуваат нелегални активности по шумите.Во интерес на истрагата, нема да споделиме повеќе информации, но, можам да кажам дека се работи за дрвокрадци кои многу добро им беа познати на службите и во изминатиов период имаат направено многу кривични дела“, стои во објавата на фејсбук.

Македонија | пред 2 месеци

Нема фотографија

Арсовска ќе сади дрва, решила да го среди воздухот

Градоначалничката на Град Скопје, Данела Арсовска, денеска учествуваше на Презентацијата на резултатите од Студијата за пропорционирање на загадувачите на воздухот во градот Скопје. Анализата за определување на уделот на различните извори на загадување во агломерацијата Скопски регион ја изработи лабораторијата AMBICON UGD при Универзитетот „Гоце Делчев“ од Штип, како дел од проектот за Справување со загадувањето на воздухот во градот Скопје, што го спроведува Програмата за развој на Обединетите нации (УНДП) во партнерство со Министерството за животна средина и просторно планирање и Градот Скопје.Финансиската поддршка за проектот е обезбедена од Шведската агенција за меѓународна развојна соработка (СИДА).- Подобрување на состојбите со животната средина не може да има доколку не се преземат системски мерки. Во таа насока, Градскиот Еко совет е тело кое е за првпат формирано од експерти од областа на животната средина и со првите чекори кои тие ги преземаат ќе имаме квалитетни предлог политики кои ќе бидат презентирани пред Советот на Град Скопје. Сакам да нагласам дека во Скопје почнува најголемиот еко проект во регионот – пречистителната станица за отпадни води во вредност од над 160 милиони евра која ќе придонесе за пречистување на над 90 проценти од урбаните отпадни води и ќе придонесе за заштита наживотната средина. Работиме и на подигање мега паркови, прв е паркот во Ѓорче Петров, а ќе следат уште 4 вакви мега паркови во Скопје. Секоја година ќе засадуваме над 100.000 садници, работиме на финална имплементација на Зелениот катастар, тука е и проектот за ре-употреба на градежниот отпад и шут за да се спречи создавањето диви депонии кои периодов интензивно ги расчистуваме, неселективно ги казнуваме сите оние што ја нарушуваат животната средина и здравјето на граѓаните и многу други проекти. Со сите овие мерки се надевам дека ќе успееме да постигнеме резултати – истакна градоначалничката Арсовска во своето обраќање.Градоначалничката Арсовска ја поздрави студијата каде преку сеопфатна анализа може да се детектираат проблемите, но и да се даваат предлози од страна на стручната јавност кои ќе можат да се имплементираат согласно можностите за намалување на загаденоста на воздухот во главниот град, кој е еден од приоритетите во заштитата на животната средина, а ќе овозможи подобри услови и повисок квалитет на живот за граѓаните на Скопје.

Скопје | пред 4 години