Во Струмица запленети бесправно исечени огревни дрва складирани во приватен двор

Поголема количина бесправно исечени огревни дрва, складирани во приватен двор во струмичкото село Банско, била откриена и запленета во координирана акција на ПШС „Беласица“ – Струмица, Шумската полиција и КПУ „Затвор“ – Струмица.

За акцијата информираше Кире Михаилов, кој најави дека против сторителот ќе следува соодветна пријава согласно законските прописи.

— реклама —

Тој порача дека незаконската сеча, бесправното складирање и нелегалната трговија со дрва нема да бидат толерирани, најавувајќи засилени контроли и координирани акции за заштита на шумското богатство.

— реклама —

— реклама —

Во заплената учествувале и осудени лица од КПУ „Затвор“ – Струмица, со која ЈП „Македонски шуми“ има потпишано меморандум за соработка. Михаилов му се заблагодари на директорот на установата за логистичката поддршка и соработката во работното ангажирање на осудените лица.

Според него, соработката меѓу директорите на ПШС „Беласица“ – Струмица и КПУ „Затвор“ – Струмица е пример за тоа како институциите треба заеднички да дејствуваат во рамките на државниот систем.

„Ветивме промени, еве ги на дело, не само со празни зборови и лажни флоскули“, порача Михаилов.