Шумочуварската служба од подружницата „Црн бор“ од Прилеп, во координација со Шумската полиција, заплени бесправно исечено дабово и багремово дрво натоварено во три шпедитери.
Од ЈП Национални шуми информираат дека заплената била извршена во месноста викана Пештера, помеѓу селата Отевоец и Крстец. Дрвната маса била исечена од Шумско-стопанската единица Дервен Никодин.
Надлежните служби преземаат мерки за целосно расчистување на случајот и утврдување на одговорноста за бесправната сеча и транспорт на дрвото.
