ШТИП

Се рестартира изградбата на болницата, Медицинскиот факултет и студентскиот дом во Штип, најави Мицкоски

Премиерот Христијан Мицкоски најави дека државата обезбедила понуди од светски реномирани финансиски институции за финансирање на проектот за изградба на Клиничката болница, Медицинскиот факултет и студентскиот дом во Штип.„Собравме од светски реномирани финансиски институции понуди за финансирање на проектот на Клиничката болница, Медицинскиот факултет и студентскиот дом во Штип, така што следнава недела имам состанок со Министерката за финансии, потоа заеднички состанок и со министерот за здравство и очекувам како дел од онаа стратешка соработка со Велика Британија и овој процес конечно да да почне да се движи, бидејќи има некој законски норми кои што мораше претходно да бидат завршени и очекувам дека сето тоа ќе биде исто така ставено на шини и ќе можеме многу скоро денеска да сведочиме на рестартирање на изградбата на овие објекти“, изјави Мицкоски.

Македонија | пред 5 дена

Тело на 20-годишна девојка пронајдено во стан во Штип

Дваесетгодишна државјанка на Република Турција била пронајдена почината во стан во Штип, соопшти Министерството за внатрешни работи.Случајот бил пријавен денеска во 14:48 часот во СВР Штип, по што полициски службеници веднаш излегле на местото.„Во стан во Штип било пронајдено починато женско лице. Полициски службеници излегле на местото и било констатирано дека се работи за У.Е.(20), државјанка на Република Турција“, велат од МВР.На местото увид врши екипа на СВР Штип, а се преземаат мерки за расчистување на случајот и утврдување на причините за смртта.

Македонија | пред 2 седмици

(Вознемирувачки снимки) Девојче од Штип тепано, клоцано, снимано со месеци, адвокатката Ристова ги гони родителите на насилниците и снимачите

Стравични снимки од насилство врз дете сподели адвокатката Маја Ристова, која посочи дека станува збор за врсничко насилство во Штип. На нив се гледа како девојче е шамарано, удирано со боксови по глава и тело, но и клоцано додека лежи на земја. Насилството, според наводите, се случувало на повеќе локации во градот.МВР по службена должност поднело кривична пријава до Обвинителството против малолетниците, кое води постапка пред суд за кривичните дела „насилство врз дете“ и „неовластено снимање“ против децата кои учествувале во нападите и ги снимале насилничките сцени. Но одговорност за родителите - не побарале.Затоа, адвокатката Маја Ристова поднела кривични пријави против родителите на децата кои тепале и снимале, за кривично дело „запуштање и малтретирање на дете“. Според кривичната пријава, насилството траело три месеци, од јуни до септември минатата година.„Ова е врсничко насилство во Штип од пред неколку месеци. За кривичното дело ‘Насилство врз дете’ обвинителот предложи воспитна мерка ‘Засилен надзор од страна на ЦСР’, судот процени дека мерката е строга, па изрече ‘Засилен надзор од страна на родител’ (пресмешно). Предметот е во жалбена постапка. За кривично дело ‘Запуштање и малтретирање на дете’ беа отфрлени кривичните пријави, за по жалба да биде вратен предметот на повторно одлучување. Поентата ми е како институциите гледаат на овој проблем. Слично како со семејното насилство. Изгледа треба да се случи ‘Рибникар’, за да се разбудат, како што се разбудија за семејно насилство по случајот ‘Ивана и Катја’“, вели адвокатката Маја Ристова.Според кривичната пријава, Ристова бара одговорност од родителите на малолетниците, по малтретирањето на 12-годишната жртва. Таа наведува дека девојчето било континуирано изложено на физичко и психичко насилство од група ученици. Во пријавата се наведува и дека мајката на оштетеното девојче реагирала откако добила повеќе вознемирувачки видеа снимени од мобилни телефони, на кои се гледало како група ученици ја малтретираат жртвата.Според документите, случајот бил пријавен во МВР Штип, училиштето ООУ „Ванчо Прке“, Центарот за социјална работа, Основното јавно обвинителство, Народниот правобранител и Првата детска амбасада „Меѓаши“.Адвокатката Ристова посочува дека револтот кај неа се јавил бидејќи за случајот со насилството во Ѓорче Петров веднаш имало институционална реакција, додека за овој случај, како што тврди, постоел обид да се сокрие.Таа со кривичната пријава бара и вештачење на мобилните телефони, за да се утврди кога се направени снимките, каква била комуникацијата меѓу учениците и со кого биле споделувани материјалите.„Најголемиот револт кај мене е што за скопскиот случај веднаш се крена прашина, а овој е идентичен случај, дури имало и обид за самоубиство или самоповредување кај оштетената, а се пробува да се заташка случајот“, вели Ристова за „Скопје1“.Според неа, 12-годишното девојче има сериозни психички последици од насилството.Во изминатиот период зачестени се случаите на врсничко насилство. Пред ова, јавноста беше потресена и од случајот во Ѓорче Петров, каде девојче, според информациите, било тепано, раскрварено, горено со цигари и присилувано на понижувачки дејствија од група врсници.

Македонија | пред 2 седмици

(Видео) Објавена снимка од вандализмот во училиштето во Штип, наставата е во прекин

Основното училиште во Штип, ООУ „Ванчо Прке“ - Штип, ноќеска беше цел на вандалски чин кој предизвика значителна материјална штета и прекин на наставата за над 1.100 ученици.Инцидентот, според првичните информации, се случил во текот на ноќта, при што непознат сторител или сторители влегле во училишниот објект и оштетиле дел од училишниот инвентар. Настанот резултирал со сериозни последици врз нормалното одвивање на образовниот процес.Од училиштето преку социјалните мрежи е испратено известување до родителите дека денес наставата нема да се одржи поради, како што наведуваат, оправдани причини.Во меѓувреме, полициски екипи извршиле увид на местото на настанот и работат на утврдување на сторителите и околностите под кои се случил инцидентот. Се очекуваат дополнителни информации по завршувањето на истрагата и проценката на вкупната штета.

Настани | пред 3 седмици

Вандализам во училиште во Штип, уништени кабинети, врати и смарт табли

Директорот на ООУ „Ванчо Прке“ во Штип, Кокан Радев, потврди дека во училиштето се случил инцидент во кој непознато лице влегло во објектот и предизвикало значителна материјална штета.Според неговата изјава, упадот се случил во ноќните часови, најверојатно пред полноќ, при што лицето се задржало во дел од училишните простории, а потоа се движело низ училниците и кабинетите на предметната настава.Тој наведе дека се оштетени повеќе кабинети, при што се уништени врати, ѕидови, училишен инвентар и смарт табли, а дел од просториите биле испишани со спреј. Една од безбедносните камери, според него, исто така била цел на обид за оневозможување, но системот продолжил да снима.Радев истакна дека, според досегашните информации, се работи за едно лице кое е забележано од безбедносните камери, но конечната проценка и утврдување на околностите е во надлежност на полицијата.Во тек е увид и проценка на штетата, а од училиштето очекуваат санацијата да биде завршена во наредните денови, со цел наставата да продолжи нормално.

Македонија | пред 3 седмици

На 18 април во Штип: 41-от „Марш на ангелите“ во знак на сеќавање и правда

Граѓанското здружение „16-ти март 2025“ најави одржување на 41-от „Марш на ангелите“, кој овојпат за првпат ќе се одржи во Штип, како чин на сеќавање и барање правда за загинатите и повредените во трагичниот настан.Настанот е закажан за 18 април 2026 година (сабота) на плоштадот „Слобода“ во Штип, со собир во 15:50 часот и почеток на маршот во 16:05 часот.Организаторите повикуваат на мирно и достоинствено учество, со порака дека сеќавањето и барањето правда за „63-те ангели“ не смее да престане.

Македонија | пред 1 месец

Асанов ја смени изјавата, бара ослободителна пресуда: „Во животот ни кокошка не сум заклал, а камоли човек“

Пред Основниот суд во Штип денеска сведочеше 74-годишниот Денис Асанов, обвинет за убиството на 79-годишната Борјанка Николова. Тој пред судијката Јулијана Недкова целосно го смени првичниот исказ даден пред истражните органи и побара ослободителна пресуда.Асанов вели дека починатата Борјанка Николова ја затекнал падната на скалите во купатилото, како лежи со главата свртена кон подот. Сакал веднаш да пријави во полиција, но немал кредит на телефонот.Тој вели дека двајца млади луѓе му ставиле вреќа на глава, го врзале за дрво и почнале да копаат дупка во дворот.„Никогаш во животот ни кокошка не сум заклал, а камоли човек“, изјави Асанов во судницата.Вештакот од Судска медицина посочи дека од обдукцијата на дел од трупот жртвата имала скршени осум ребра, а повредите на градниот кош укажуваат на силен притисок, најверојатно нанесен со колено. Нејзиното тело е пронајдено најмалку две недели по смртта, а недостасувале главата и нозете, кои биле отстранети по настапувањето на смртта.Идентитетот на жртвата бил потврден преку ДНК анализа.Судењето продолжува на 21 април, кога се очекуваат завршните зборови на одбраната и обвинителството.

Македонија | пред 1 месец

Турски државјанин приведен во Штип поради дрога, кај него најдена и туѓа патна исправа

Полициски службеници од СВР Штип лишија од слобода 23-годишен државјанин на Турција, по претрес во кој била пронајдена марихуана.Како што информираат од МВР, на 07.04.2026 година во 14:50 часот во Штип бил приведен М.С.(23), кој престојувал привремено во градот.Претходно, со судска наредба, бил извршен претрес во дом во кој привремено престојувал Н.К.(21), исто така државјанин на Турција, каде бил затекнат и приведениот. При претресот биле пронајдени марихуана и дробилка со остатоци од марихуана.Подоцна, со дозвола од М.С., извршен е и преглед во неговиот дом, при што биле откриени повеќе пакувања со марихуана, како и патна исправа на друго лице од Турција.М.С. е задржан во полициска станица, а по целосно документирање на случајот против него ќе биде поднесена соодветна пријава.

Македонија | пред 1 месец

Николоски: Штип и источниот дел на Македонија добиваат прво туристичко вештачко езеро

Изградбата на браната на реката Отиња кај Штип влегува во завршна фаза, при што источниот регион наскоро ќе добие прво рекреативно вештачко езеро, кое ќе има повеќекратна намена – туризам, наводнување и водоснабдување.Ова го истакна заменик-претседателот на Владата и министер за транспорт, Александар Николоски, при денешниот увид во градежните активности, нагласувајќи дека станува збор за капитален проект со значајно влијание врз локалниот развој.„Ова ќе биде прво рекреативно вештачко езеро во источниот дел на државата, кое треба да го развие туризмот во целиот регион, да биде главна летна атракција, но и простор за рекреација во текот на целата година, со потенцијал за отворање нови работни места“, изјави Николоски.Тој додаде дека покрај туристичката функција, езерото ќе има важна улога и во земјоделството и водоснабдувањето, особено во критични периоди.„Езерото ќе служи и за наводнување, а доколку има потреба, и за решавање на проблеми со водоснабдувањето. Разговаравме и за уредување на просторот околу него, вклучително и можноста трупот на браната да се користи како пешачка патека што ќе го поврзува езерото со Штип“, рече Николоски.Според него, проектот е реализиран околу 70 проценти, а крајниот рок за завршување е април 2027 година. Сепак, доколку временските услови бидат поволни, постои можност изградбата да заврши и порано.„Ако имаме добри временски услови, можно е уште оваа година да се заврши езерото, по што ќе биде потребна уште една година за да се наполни. Тоа значи дека во пролетта 2028 година би можеле да имаме целосно функционално езеро“, посочи вицепремиерот.Тој нагласи дека станува збор за втор ваков проект на Владата, по изградбата на вештачкото езеро во Конско кај Гевгелија.Вкупната вредност на проектот изнесува 448 милиони денари, од кои досега се реализирани 311 милиони денари, а средствата се обезбедени преку Министерството за транспорт.Николоски изрази благодарност до локалните и државните институции за соработката во реализацијата на, како што рече, еден од најзначајните проекти за источниот дел на државата.

Македонија | пред 2 месеци

(Видео) Штип добива вештачко езеро, кое може да биде готово за две години

Вицепремиерот Александар Николоски изврши увид во изградбата на браната на реката Отиња, при што изрази очекување дека проектот би можел да добие завршница во 2028 година, со полнење на вештачкото езеро.„Доколку нѐ послужи времето, односно ако имаме сув градежен период, можеби уште оваа година ќе го завршиме езерото, а ќе ни треба уште една година да се наполни. Тоа значи дека некаде во пролетта 2028 година би можеле да видиме тука езеро кое ќе претставува атракција“, изјави Николоски.Тој посочи дека ова е второ вештачко езеро во државата, по она во Гевгелија, односно Коњско, и нагласи дека проектот има значаен потенцијал за локалниот развој.„Ова вештачко езеро многу ќе значи за развој на туризмот и локалната економија“, додаде вицепремиерот.Изградбата на браната на Отиња се смета за еден од покрупните инфраструктурни проекти во источниот дел од државата, со очекувања дека ќе придонесе за економски и туристички развој на регионот.

Настани | пред 2 месеци

Штип со свеќи и „ѕвездено небо“ им оддаде почит на жртвите од „Пулс“

Штипјани вечеравечер на градскиот плоштад „Слобода“ им оддадоа почит на загинатите во пожарот во дискотеката „Пулс“ во Кочани. Mеѓу жртвите беа и пет штипјани.Комеморативната програма почна со поставување камен-темелник за спомен-обележје кај малата фонтана, а продолжи со палење свеќи и со симболично „ѕвездено небо“, кога присутните ги вклучија светилките од мобилните телефони.Имињата на Филип Ивановски, Дамјан Таневски, Александар Ефремов, Филип Стевановски и Александар Коларов, ќе бидат изгравирани на спомен-обележјето.Во пожарот загинаа 63 луѓе, а повредени беа скоро 200. Пожар изби на концертот на ДНК. Меѓу жртвите се и музичарите од бендот.

Македонија | пред 2 месеци

Закани со пиштол во Штип

На 14 март 2026 година во 20:15 часот во СВР Штип, В.Х. (42) од Штип пријавил дека на 11 март, по претходно недоразбирање, лицето С.П. од Штип му упатило закани со огнено оружје.Полицијата презема мерки за расчистување на случајот.

Македонија | пред 2 месеци

(Видео) Огромен пожар во Штип, кози и јариња спасувани од под купишта отпад

Снимка каде се гледа огромен пожар на површина каде се оставени стари лимови, врати и прозорци објави „М-нет“. Според нивната објава станува за локација во Штип.На снимката се гледа како од под отпадот, човек вади кози и јариња кои престојувале таму. Според објавата, извадени се шест гози и две јариња.Непознато е за која точно локација станува збор и како се запалило местото.Видеото тука

Настани | пред 2 месеци

(Видео) На 79-годишен маж ќе му се суди за убивањето на жената која е најдена закопана во двор во Штип

Во Основниот суд Штип денеска почнува судењето против 74-годишниот Денис Асанов, обвинет за убиство на 79-годишната Б. Н. од Штип. Обвинетиот Асанов не признава вина за делото што му се става на товар.Убиството се случи лани, а дел од трупот на починатата жена беше пронајден закопан во дворот на куќата на обвинетиот. Според исказот што го дал пред Основното јавно обвинителство Штип, мотивите биле љубомора и љубовни недоразбирања. По убиената жена се трагаше неколку дена, а исчезнувањето го пријавила сестра ѝ.Според податоците од МВР, на 24 октомври 2025 година 84-годишната сестра на жртвата пријавила дека Б. Н. се оддалечила од домот. На 10 ноември, по судска наредба, бил извршен претрес во домот на обвинетиот Асанов, при што биле пронајдени траги од крв и други предмети поврзани со убиството.По претресот, обвинетиот бил лишен од слобода и му била изречена мерка притвор. Дополнителните вештачења и разговори со обвинетиот довеле до детаљно објаснување на начинот на извршување на кривичното дело, се наведува во соопштението на МВР, објавено на 16 ноември 2025 година.

Настани | пред 2 месеци

(Видео) Голем пожар во ресторан во Штип, интервенираа 12 пожарникари

Голем пожар избувна ноќеска во ресторанот „Мал одмор“ во Штип, при што е причинета значителна материјална штета, но за среќа нема повредени лица.На терен веднаш излегле од Територијалната противпожарна единица Штип, кои интервенирале со три противпожарни возила и 12 пожарникари.Причините за избувнувањето на пожарот засега не се познати и се очекува дополнително да бидат утврдени.

Настани | пред 2 месеци

Пет години затвор и трајно протерување за помагачите во убиството во Штип

Правдата доби судска разрешница во Основниот суд во Штип, каде што беа изречени пресуди за помагачите на Кадир Кара, вмешани во крвавиот инцидент што го потресе градот во мај минатата година. Судијката Јулијана Недкова објави дека тројца турски државјани се осудени на повеќегодишни затворски казни, како и на трајна забрана за влез во државата.Рамазан Аџет, Селахадин Арслан и Осман Метихан-Кулдруд добија по пет години затвор за помагање при извршувањето на убиството на градскиот плоштад „Слобода“. Покрај затворската казна, судот изрече и мерка трајно протерување, со што на осудените засекогаш им се забранува повторно да влезат во Македонија.Во изречената казна ќе им биде пресметано и времето поминато во притвор, каде што се наоѓаат од почетокот на мај 2025 година. По издржувањето на затворската казна, тие ќе бидат депортирани, а мерката протерување ќе стапи во сила без можност за нивно враќање.Четвртообвинетата во постапката беше осудена на три месеци затвор, но со оглед дека веќе поминала значителен период во притвор и куќен притвор, судот утврди дека казната е веќе издржана.Судскиот процес претставува продолжение на случајот откако директниот извршител Кадир Кара ја призна вината и претходно беше осуден на 17 години затвор за убиството извршено во штипско кафуле.Со денешната пресуда, Основниот суд во Штип го заокружи еден од најтешките кривични случаи во изминатата година, испраќајќи порака дека секој облик на соучесништво во насилство ќе биде строго санкциониран.

Македонија | пред 2 месеци

(Видео) Кров што тече, студ и ѓубре околу неа – Блага чека помош

Во тешки и нехумани услови, без греење и со покрив што прокиснува, сама и без соодветна грижа живеела Блага Милошевиќ во штипското село Лакавица, објави ТВ Стар. Според прилогот, таа престојувала во просторија исполнета со ѓубре и остатоци од храна, покриена со стара јамболија, во состојба на немоќ и сиромаштија.По објавувањето на сторијата, следувала реакција. Градоначалникот на Штип, Иван Јорданов, заедно со директорот на Клиничка болница Штип, Владко Захариев, интервенирале и овозможиле Блага веднаш да биде пренесена во болница.Од надлежните информираат дека таа веќе е под лекарски надзор и ќе остане на лекување сè додека не се стабилизира нејзината здравствена состојба. По закрепнувањето, грижата за неа ќе ја преземат институциите надлежни за социјална заштита.

Настани | пред 3 месеци

Штипскиот угостител кој пијан си ја уби мајка му осуден на доживотна робија

Доживотен затвор доби Стојанче Зарков, штипјанецот кој во август минатата година во алкохолизирана состојба ја уби сопствената 84-годишна мајка.Зарков на рочиштата од судењето за убиството тврдеше дека не се сеќава дали ја убил мајка си.Обвинетиот претходно даде исказ дека не се сеќава дали тој ја убил својата мајка или не. Пред судот изјави дека тој ден, на 8 август минатата година, ги извршувал секојдневните обврски, купил јадење и лекови за неговата мајка и излегол на кафе. Вечерта дома се вратил со такси возило. Потоа вели дека бил во другата соба кога неговата мајка почнала да вика, а кога влегол кај неа забележал дека од вратот и тече крв. Повикал брза помош, а дошле и полиција и јавен обвинител. Кога се јавил на бројот за итни случаи за да побара помош, Зарков се обратил со зборовите „ја прободев несакајќи мајка ми, или ќе преживее или нема“.Со вештачењето на ножот и ДНК анализата на отисоците и крвта на ножот, неприкосновено беше докажано дека извршител на убиството е Зарков.Стојанче Зарков меѓу штипјани е познат како поранешен угостител, препознатлив по кафеаната „Гроф“, која долги години работеше во штипската чаршија.

Македонија | пред 3 месеци

(Видео) Протест во Штип поради одземање возила: запален оган и тензии со полицијата

Граѓани од ромската заедница протестираат во Штип, каде што палат оган на јавна површина. Причината за протестот, како што посочуваат, е одземањето на возилата на дел од нив поради управување без возачка дозвола, мерка што произлегува од новите законски одредби.На местото е повикана и пристигнува Противпожарна екипа, но демонстрантите не дозволуваат пристап за гаснење на огнот. Повеќе од 20 минути трае расправија меѓу учесниците на протестот и полициските службеници, по што полицијата повикува и засилување.Демонстрантите тврдат дека мерката е неправедна и дека им се одземаат возилата, иако ги управуваат без возачка дозвола, поради што извикуваат „бараме правда“. Атмосферата е напната, а огнот сè уште гори.Полициските службеници се обидуваат да им укажат дека палењето оган претставува опасност и дека истиот мора итно да биде изгаснат, но демонстрантите продолжуваат да одбиваат соработка. Засега нема официјални информации за приведени лица, но од надлежните се очекува постапување согласно законот.

Настани | пред 3 месеци

Разбојништво во Штип: 82-годишна жена тешко повредена во напад во сопствениот дом

82-годишна жена од Штип пријавила дека била жртва на брутален напад и разбојништво во својот дом, информираат од Министерството за внатрешни работи.Според пријавата поднесена на 27 јануари 2026 година во 08:27 часот во СВР Штип, настанот се случил претходната вечер, на 26 јануари, околу 21:00 часот. Непознато лице, со употреба на физичка сила и подесен алат, насилно влегло во домот на жената и физички ја нападнало.Како последица на нападот, таа се здобила со тешки телесни повреди, кои ѝ биле констатирани во Клиничката болница Штип. Напаѓачот, по извршениот напад, ѝ одзел мобилен телефон и личен накит, по што се дал во бегство.Од МВР соопштија дека се преземаат интензивни мерки и активности за целосно расчистување на случајот и пронаоѓање на сторителот.z

Македонија | пред 3 месеци

(Видео) Се сруши потпорен ѕид во Штип: бетон и земја врз паркирани автомобили

На улицата „Љубен Иванов“ во Штип денеска се случи сериозен инцидент откако потпорен ѕид се сруши и падна врз паркирани автомобили.Според фотографиите од местото, големи бетонски блокови, земја и камења предизвикале значителна материјална штета врз најмалку два патнички возила.Срушената конструкција речиси целосно го покрила белиот автомобил „Шкода“, додека врз друго црно возило паднала метална ограда.

Македонија | пред 3 месеци

Оџак предизвика пожар во Штип: мајка и ќерка завршија во болница

Две лица се пренесени на лекување во Комплексот клиники „Мајка Тереза“ во Скопје по пожар што избувнал во стан во Штип, информира Министерството за внатрешни работи.Како што соопшти МВР, на 2 јануари 2026 година во 15:01 часот во СВР Штип било пријавено дека околу 6 часот наутро настанал пожар на оџак во стан на улицата „9 Мај“, сопственост на С.А. (41) од Штип. Поради вдишување чад, неговата мајка Д.А. (65) и сестра му С.Д. (39), двете од Штип, биле пренесени во скопските клиники за укажување лекарска помош.Во пожарот бил зафатен и соседен стан, сопственост на Л.К. (61) од Штип. Интервенирала Територијалната противпожарна единица Штип, која го локализирала пожарот и спречила негово понатамошно ширење.За настанот е известен јавен обвинител од Основното јавно обвинителство Штип, а увид на местото извршила увидна екипа на СВР Штип. Се утврдуваат причините за избувнувањето на пожарот и висината на материјалната штета.

Македонија | пред 4 месеци

(Видео) Турскиот државјанин го призна убиството во центарот на Штип: пукал оти се бранел, не го планирал ама шетал со оружје без дозвола

Кадир Кара го призна убиството на турскиот државјанин Енес Оздемир, кое беше извршено на 8 мај годинава во кафе-бар на градскиот плоштад во Штип. На денешното судско рочиште, обвинетиот пред судот изјави дека убиството не било однапред планирано и дека на средбата во кафулето дошол со намера да разговара со жртвата.Под силно полициско обезбедување, денеска продолжи судењето против 21-годишниот турски државјанин, обвинет за убиство со умисла. По изведувањето на доказите од страна на обвинителството и распитот на сведоци, Кара ја призна вината, но тврдеше дека дејствувал во самоодбрана.Според неговото сведочење, откако пристигнал во кафулето во центарот на Штип, забележал дека околу жртвата имало уште седум лица, блиски до сега убиениот. Во тој момент, како што изјави, почувствувал дека му се подготвува заседа, по што реагирал и го сторил убиството.Освен Кара, на обвинителна клупа седнаа уште четири лица, кои се товарат за помагање при извршување на кривичното дело. Според обвинението, сите инволвирани се товарат дека на 8 мај извршиле дрско и организирано убиство со логистичка поддршка, во јавен објект во центарот на градот.Обвинетиот за убиството престојувал нелегално во земјава, а оружјето со кое го извршил делото го поседувал без дозвола. Тој претходно бил осудуван и во Турција за слични кривични дела. Двајца од обвинетите за помагање, исто така, имаат пресуди во Турција, додека во Македонија се претставувале со лажен идентитет.Судскиот процес продолжува со изведување на дополнителни докази и сослушување на останатите обвинети и сведоци. Дел од сведоците, поради безбедносни причини, побарале да сведочат без присуство на обвинетите во судницата.СНИМКА ОД ПУКАЊЕТО:Снимка од бегањето:

Македонија | пред 5 месеци

Затвореник пронајден мртов во штипскиот затвор, нема траги на насилство

Во КПУ Затвор Штип вчера претпладне бил пронајден починат 40-годишен скопјанец кој издржувал затворска казна.Затворската управа околу 10:35 часот го пријавила случајот во СВР Штип, по што на местото веднаш пристигнала екипа на Итната медицинска помош.Лекарот констатирал смрт и утврдил дека на телото нема видливи траги на насилство.Од полицијата информираат дека, по наредба на јавен обвинител, телото е предадено на обдукција со цел да се утврдат точните причини за смртта.

Македонија | пред 5 месеци

Син кршел инвентар по смртта на татко му во болницата во Штип: Приведен 29-годишник

На 27.11.2025 во 00:05 часот во Клиничката болница во Штип полициски службеници од СВР Штип го лишија од слобода Ј.А.(29) од с.Таринци, општина Карбинци. Претходно, во болницата за лекарска помош бил донесен неговиот татко В.А.(54), но и покрај пружената помош, В.А. починал.Кога Ј.А. пристигнал во болницата, но и откако од страна на медицинскиот персонал му било кажано дека татко му починал, тој се однесувал агресивно кон нив и искршил стакла и други делови од инвентарот. За настанот е известен јавен обвинител, по чија наредба телото на починатиот е предадено за обдукција, а по целосно документирање на случајот против Ј.А. ќе биде поднесен соодветен поднесок.

Македонија | пред 5 месеци