Вистинска драма се одвивала вчера попладне во атарот на штипското село Долани, каде што голем пожар зафатил сува трева, стрништа и нискостеблеста шума, заканувајќи се да се прошири кон селото. Благодарение на координираната акција на повеќе служби и локалното население, огнената стихија била целосно изгасната во вечерните часови.
Како што информира Регионалниот центар за управување со кризи – Штип, пријавата за пожарот била примена вчера во 15:05 часот, по што на терен веднаш интервенирале екипи на ТППЕ-Штип со четири противпожарни возила и 15 пожарникари.
Во гаснењето се вклучиле и два тима од Доброволното противпожарно друштво од Штип со две возила и шест доброволци, механизација од ЈП „Стипион“, како и четири трактори кои направиле заштитен појас за да спречат пожарот да се доближи до селото.
Поддршка пристигнала и од ТППЕ-Радовиш со едно возило и оператор на дрон, додека од воздух интервенирал и авион на Дирекцијата за заштита и спасување, кој извршил две исфрлања на вода врз опожареното подрачје. На местото на настанот била присутна и екипа на полицијата од Штип.
Според сведочење на мештанин кој се здобил со полесни телесни повреди при обидот да помогне во гаснењето на пожарот, огнот наводно бил подметнат од две, засега непознати, лица кои по избувнувањето на пожарот избегале од местото.
Пожарот бил ставен под контрола и целосно изгаснат во 20:30 часот, по што сите ангажирани екипи се повлекле од теренот. Надлежните институции ќе ги утврдуваат причините за избувнувањето на пожарот и ќе ги проверуваат наводите дека станува збор за намерно подметнат оган.
(Видео) Голем пожар меѓу Долани и Љуботен: Огнот се шири кон борова шума, десет пожарникари и механизација на терен
Попладнево на бројот 112 бил пријавен пожар во атарот на селото Долани, Општина Штип, по што ТППЕ – Штип веднаш интервенирала со две екипи.„Пожарот избувнал помеѓу селата Долани и Љуботен. Од страната кон селото Долани, со помош на трактори биле изорани заштитни појаси, по што огнот бил ставен под контрола и изгаснат, без опасност од негово ширење кон населеното место.Во моментов, пожарот се шири во правец кон селото Љуботен, каде што гори сува трева, нискостеблеста и борова шума.Во гаснењето и
Македонија | пред 2 месеци
