Екстремно матна водата од „Злетовица“: Прекината преработката во Штип

Жителите на Штип во периодот што следува може да останат без вода поради прекин на преработката на сирова вода од Хидросистемот „Злетовица“.

— реклама —

Од ЈП „Исар“ информираат дека филтер-станицата во Штип ја прекинала преработката на сировата вода поради екстремно зголемена матност.

— реклама —

Како што посочуваат од претпријатието, причина за прекинот е елементарната непогода во пробиштипскиот регион, поради што дошло до влошување на состојбата со сировата вода.

— реклама —

„Елементарната непогода во пробиштипскиот реон е единствена причина за прекинот на водоснабдувањето што ќе се случи“, наведуваат од ЈП „Исар“.

Од претпријатието апелираат до граѓаните за разбирање до стабилизирање на водоснабдувањето.