(Видео) Нов пожар во Штип: Огнот избувна меѓу Штипска млекара и текстилна конфекција

Попладнево избувна трет пожар на територијата на Општина Штип, овојпат помеѓу објектите на Штипска млекара и текстилната конфекција „Албатрос“, каде што гори сува трева.

— реклама —

На терен интервенираат екипи на Територијалната противпожарна единица Штип, доброволци од Доброволното противпожарно друштво Штип, полициски службеници и жители од населбата Каленица. Од безбедносни причини, пред околу половина час беа евакуирани и работничките од текстилната конфекција „Албатрос“.

— реклама —

View this post on Instagram

Во меѓувреме, локализиран е пожарот на тврдината Исар, кој попладнево зафати поголема површина и се закануваше да се прошири кон куќите во истоимената населба. Во неговото гаснење учествуваа пожарникари, доброволци и локално население. Според очевидци, пожарот најверојатно настанал по искрење од жица на електричен столб.

— реклама —

Во штипското село Чардаклија, пак, пожар зафати фотоволтаична централа, која целосно изгоре. Покрај стариот регионален пат сè уште има тлеење на теренот.

Градоначалникот на Општина Штип, Иван Јорданов, изјави дека материјалната штета од пожарот кај фотоволтаичната централа е голема.