Пожар избувна попладнево на патот кон градските гробишта во месноста Плуждино кај Штип, при што била зафатена сува трева на поголема површина.
Според првичните информации, најверојатна причина за избувнувањето на пожарот е удар на гром. Поради засилениот ветер, огнот брзо се проширил, што дополнително ја отежнува интервенцијата на терен.
„Поради засилениот ветер, огнот брзо се проширил на поголема површина, поради што на терен интервенираат екипи на Територијалната противпожарна единица Штип.
Пожарникарите во моментов работат на локализирање на пожарот, спречување на неговото понатамошно ширење и заштита на објектите во близина кои би можеле да бидат загрозени“, информираат од Центарот за управување со кризи
