Американскиот претседател Џо Бајден се очекува во четврток во Белата куќа да се сретне со израелскиот премиер Бенјамин Нетанјаху, изјави вчера американски претставник.
Бајден се зарази со Ковид минатата среда, но денес се враќа во Вашингтон од неговата куќа на плажа во Делавер. Нетанјаху утре ќе се обрати на заедничката седница на американскиот Конгрес.
Се очекува Бајден и Нетанјаху да разговараат за начините за постигнување договор за прекин на огнот меѓу Израел и милитантите на Хамас во Газа, како и за Иран и други теми.
Тоа ќе биде прва средба на Бајден со странски лидер откако тој одлучи да не се кандидира за реизбор и ја поддржа потпретседателката Камала Харис како демократски претседателски кандидат.
Предвидено е Харис оваа недела да се сретне со Нетанјаху одвоено од Бајден.
Камала Харис рече дека потпретседателот ќе му нагласи на Нетанјаху дека е време конфликтот во Газа да заврши на начин каде што „Израел е безбеден, сите заложници ќе бидат ослободени, ќе заврши страдањето на палестинските цивили во Газа, а палестинскиот народ може ги уживаат нивните права и достоинство, слобода и самоопределување“.
