Банката затворила 300 сметки поврзани со Трамп, сега тврди дека причината биле сомнежи за перење пари

Американската банка „Капитал уан“ побара од судот да ја отфрли тужбата што против неа ја поднесе компанијата на американскиот претседател Доналд Трамп, наведувајќи дека затворањето на банкарските сметки било резултат на повеќемесечна проверка поврзана со спречување на перење пари.

— реклама —

Во судскиот поднесок, банката наведува дека одлуката била донесена по детална анализа спроведена од тимот задолжен за спречување на перење пари и во согласност со интерните процедури и регулаторните насоки. Притоа, не се тврди директно дека компанијата на Трамп перела пари, но се посочува дека забележаните трансакции припаѓале на категории што, според федералните банкарски правила, бараат дополнителна проверка.

— реклама —

Компанијата „Трамп Организација“ и Ерик Трамп ја поднесоа тужбата во март 2025 година, тврдејќи дека сметките биле затворени поради политичка дискриминација и ставовите на банката по настаните од 6 јануари 2021 година.

— реклама —

Од „Капитал уан“ ги отфрлаат овие обвинувања како неосновани и истакнуваат дека планот за затворање на повеќе од 300 сметки поврзани со Трамп бил донесен уште во март 2021 година.

Според „Гардијан“, ова е првпат една банка јавно да наведе дека проверките за спречување на перење пари биле причина за затворање на сметки поврзани со семејниот бизнис на Доналд Трамп.