Бегале од полицијата по обид за кражба, полицијата пукала предупредувачки во воздух

Седум лица се лишени од слобода во Неготинско по обид за извршување тешка кражба во напуштен објект, соопшти МВР.

— реклама —

Полициски службеници од ОВР Неготино на 1 октомври презеле мерки за откривање на сторителите, постапувајќи по претходна пријава за тешка кражба.

— реклама —

Во кругот на напуштениот објект биле затекнати неколку лица кои, со употреба на алат, се обиделе да одземат предмети. Откако ги забележале полицајците, лицата се дале во бегство, при што полициските службеници испукале неколку предупредувачки истрели во воздух.

Набргу потоа, на местото и на неколку локации во Неготино биле лишени од слобода Е.Ф. (31), Б.Ф. (28) и Е.Ф. (32) од Паликура, Росоманско, Ѓ.У. (32), Д.И. (33) и Н.Ц. (38) од Градско и В.В. (31) од Подлес, Општина Градско.

— реклама —

Седумтемина биле задржани во полициска станица, а од нив биле одземени предмети.

— реклама —

Од МВР информираат дека по целосното расчистување и документирање на настанот ќе биде поднесена соодветна пријава.