Бела пена од Вардар и во Зелениково

Утрово вознемирени жители на селото Таор во општина Зелениково видоа загрижувачка глетка, одводниот канал што се влива во реката Вардар беше покриен со густа пена.

— реклама —

Инцидентот се случил веднаш по активирањето на пумпите за отпадните води од системот на Скопско Поле, што веднаш го вклучи алармот кај локалните власти за можно сериозно хемиско загадување на Вардар.

— реклама —

Ситуацијата е потенцијално сериозна бидејќи овој систем ги собира отпадните води од широк појас кој ги опфаќа општините Гази Баба, Арачиново, Илинден и Петровец, регион каде што има и индустриски капацитети и земјоделски површини.

— реклама —

За да се утврди што точно тече во Вардар, на барање на општината, екипи од Институтот за јавно здравје веднаш земаа мостри од водата и од сомнителната пена за хемиска анализа. Резултатите треба да покажат дали станува збор за детергенти, индустриски хемикалии или друг вид на опасен отпад.

Случајот е пријавен и до Државниот инспекторат за животна средина.