Актуелниот шампион Вардар се врати на победнички пат во Првата македонска лига, откако денеска на домашен терен убедливо го совлада Силекс со 4-1 во дербито на колото.
Вардар рано дојде до предност преку Димитар Данев, кој ја искористи првата посериозна можност на натпреварот. Силекс потоа презеде иницијатива, создаде неколку шанси и успеа да израмни во 37. минута преку Анѓелески.
На почетокот на второто полувреме Мирков, кој го предводи Вардар по заминувањето на Фабијани, направи тројна измена. Во игра влегоа Мигел Пиреш, Пуелио и Маневски, по што домаќините заиграа значително подобро.
![]([{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9362YEBRCB1FZM7W2K91B.gif","chance":50},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z937P7C633CS99SP77A7TT.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9399AWTQYS76JTASHNB6Z.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93AQ8NFSC3JGHXF78CANS.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93C62E7Z98JRQG22HQ1ZQ.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93DN7FVZHTTP5AWCCK8DP.gif","chance":10}])
Вардар повторно го презеде водството во 63. минута преку Маневски, а само шест минути подоцна Пиреш зголеми на 3-1.
Силекс не се откажа и се обиде да се врати во натпреварот, но не ги искористи своите можности. Казната стигна во 88. минута, кога Спахиу ги постави конечните 4-1.
За Силекс ова е првиот пораз сезонава. Кратовскиот тим досега забележа две победи и едно реми, покрај денешниот пораз.
