Белград ќе биде домаќин на финалето во Лигата на Европа во 2029 година, откако Извршниот комитет на УЕФА донесе одлука натпреварот да се одигра на Националниот стадион во главниот град на Србија.
Одлуката е донесена на седницата на Извршниот комитет на УЕФА во Солун, а веста ја поздрави и српскиот претседател Александар Вучиќ.
„Голема вест од УЕФА! Србија ја доби организацијата на финалето на Лигата на Европа за 2029 година. Ќе се игра на новоизградениот национален стадион во нашиот град. Ви благодарам за довербата и да живее Србија“, порача Вучиќ преку својот профил на Инстаграм.
УЕФА истовремено соопшти дека финалето на Лигата на Европа во 2028 година ќе се одигра на Националниот стадион во Букурешт.
