Цистерна со цемент излетала од патот кај Белград, двајца повредени

Две лица се повредени во сообраќајна несреќа на автопатот Ниш – Белград во Србија, во близина на аеродромот „Никола Тесла“. Во несреќата учествувале камион-цистерна и комбе, а возачот на камионот останал заглавен во кабината.

— реклама —

Несреќата се случила утрово околу 5:30 часот, на околу два километри од аеродромот, во правец кон Белград. На местото на настанот биле испратени две екипи на Итната медицинска помош и противпожарни екипи.

— реклама —

Повредени се двајца мажи. Едниот, на возраст од околу 40 години, со тешки телесни повреди бил пренесен во болницата во Земун. Другиот повреден е 36-годишниот возач на цистерната, кој по интервенција на пожарникарите бил извлечен од кабината и пренесен во Ургентниот центар.

— реклама —

Поради несреќата, сообраќајот на овој дел од автопатот се одвива отежнато.

— реклама —

Според првичните информации, цистерната превезувала цемент, па нема опасност за здравјето на луѓето и животната средина.