Одделението за внатрешни работи Кичево поднесе кривична пријава против Е.Џ. (53) од селото Зајас и против правно лице со седиште во Кичево, поради сомнение за сторени кривични дела „узурпација на недвижности“ и „бесправно градење“.
Според Министерството за внатрешни работи, пријавениот, во својство на сопственик и управител на правното лице, во текот на 2020 година, без одобрение за градба и без потребната документација од надлежен орган, изградил деловен објект на катастарски парцели во Кичево, од кои дел се во државна сопственост.
Со ваквите дејствија, како што соопшти МВР, бил оштетен буџетот на Општина Кичево за вкупно 2.188.806 денари.
Против осомничените е поднесена соодветна кривична пријава, а случајот ќе биде предмет на понатамошна постапка.
