Без опозиција, Собранието вчера, по многу кавги, навреди и пцовки, со 69 гласа „за“, без ниту еден „против“ или „воздржан“, ги изгласа новите министри.
Ова се новите министри во Владата на Христијан Мицкоски:
-Јетон Шасивари – министер за правда;
-Агон Ферати – министер за односи меѓу заедниците;
-Борче Серафимовски – министер за земјоделство, шумарство и водостопанство;
-Сашо Клековски – министер за здравство;
-Ѓоко Велковски – министер за социјална политика, демографија и млади;
-Иван Стоилковиќ – министер за локална самоуправа;
-Седат Сулејмани – министер за култура и туризам;
-Ерџан Демир – министер без ресор.
Опозицијата поради инцидентите и бидејќи не се извинија Стоилковиќ и Мицкоски ја напушти салата.
Пред гласањето премиерот им се извини на пратениците за денешниот напнат собраниски ден, но не посочи кој ова го предизвика.
„Се надевам дека во иднина тоа нема да се повтори“, рече Мицкоски.
