Без вода дел од Центар и Карпош

Две интервенции на водоводната мрежа денеска ќе предизвикаат прекин во водоснабдувањето во делови од општините Центар и Карпош.

— реклама —

Од ЈП „Водовод и канализација“ информираат дека од 8:30 часот, поради дефект на приклучна цевка со профил 3/4 на улицата „Чедомир Миндеровиќ“ број 39а, без вода ќе останат корисниците од оваа улица во општина Центар. Прекинот ќе трае до отстранување на дефектот.

— реклама —

— реклама —

Во општина Карпош, од 10 часот е најавен прекин поради промена на затворач со профил 100 милиметри на улицата „Миладин Поповиќ“ број 15.

Без вода ќе останат корисниците од улицата „Миладин Поповиќ“, како и дел од корисниците на улиците „Орце Николов“, булеварот „Илинден“, „Никола Тесла“ и „Мирка Гинова“. Водоснабдувањето ќе биде прекинато до завршување на работите.