Без возачки испит, пијани или со забрана зад воланот: 25 возачи уапсени

Вкупно 25 возачи биле лишени од слобода во изминатото деноноќие поради безобѕирно управување со возило. Меѓу нив, 12 возеле без положен возачки испит, 11 биле под дејство на алкохол, а двајца управувале возило и покрај активната забрана.

— реклама —

Од МВР информираат дека полициските службеници ги лишиле од слобода на различни локации во државата поради сомнение за сторено кривично дело „безобѕирно управување возило“ според член 297-а од Кривичниот законик.

— реклама —

Меѓу лицата кои возеле без положен возачки испит се шестмина од Скопје, како и лица од селата Ново Село, Орланци и Бојане, а приведени биле и тројца малолетници на возраст од 16 и 17 години, двајца од Скопје и еден од Кочани.

— реклама —

Под дејство на алкохол биле затекнати возачи од Скопје, Радовиш, Штип, Прилеп, Неготино, Гевгелиско и Гевгелија. Двајца возачи од Делчево и Битола, пак, управувале возило и покрај изречената забрана за управување со моторно возило.

Од МВР најавуваат дека по целосното документирање на случаите ќе бидат поднесени соодветни кривични пријави. Истовремено, апелираат до сите учесници во сообраќајот да ги почитуваат правилата и прописите, да не возат без положен возачки испит, под дејство на алкохол или за време на изречена забрана.