Без возачка дозвола управувале автомобил и мопеди – тројца приведени во Прилеп

Три лица, меѓу кои и малолетник, биле лишени од слобода при сообраќајни контроли спроведени во Прилеп, откако полицијата утврдила дека управувале возила без да поседуваат возачка дозвола.

— реклама —

Според информациите од СВР Битола, на 9 јули на улицата „Василе Павлоски Џгуре“ бил приведен 54-годишниот М.М. од Прилеп, кој управувал автомобил „голф“ со прилепски регистарски ознаки без возачка дозвола.

— реклама —

На истата улица бил лишен од слобода и 15-годишен малолетник од Прилеп, кој управувал мопед со прилепски регистарски ознаки без да има право на управување.

— реклама —

Истиот ден, на улицата „Димо Наредникот“, полициски службеници го привеле и 30-годишниот Х.М. од Прилеп, кој управувал мопед со велешки регистарски ознаки без возачка дозвола.

— реклама —

По целосното документирање на сите три случаи, против лицата ќе бидат поднесени соодветни поднесоци.