Без возачка дозвола зад волан и на мотор: Приведени тројца во Гостивар

Полициски службеници од СВР Тетово во текот на 1 јули привеле тројца возачи во Гостивар, откако било утврдено дека управувале возила без положен возачки испит.

— реклама —

Првиот случај бил евидентиран околу 15 часот во населбата Циглана, каде што полициски службеници од Полициската станица Гостивар запреле патничко возило „БМВ“ со гостиварски регистарски ознаки, управувано од 20-годишниот Љ.А. од Гостивар. При контролата било констатирано дека тој управувал без возачка дозвола, по што бил лишен од слобода и приведен во полициска станица, а возилото било одземено и задржано за понатамошна постапка.

— реклама —

Подоцна, околу 18:30 часот, на булеварот „Браќа Ѓиноски“ во Гостивар, полициски службеници запреле два мотоцикла – „Пјаџо“, управуван од 16-годишен малолетник, и „Гусите“, управуван од 15-годишен малолетник, двајцата од Гостивар.

— реклама —

При контролата било утврдено дека и двајцата малолетници управувале мотоцикли без возачка дозвола. Тие биле лишени од слобода согласно член 297-А од Кривичниот законик, а мотоциклите им биле одземени.

— реклама —

Во присуство на родител и инспектор за малолетници со нив бил извршен службен разговор, а по целосното документирање на случаите ќе бидат поднесени соодветни поднесоци.