Деветнаесетгодишен жител на тетовското село Џепчиште е приведен откако полицијата утврдила дека управувал автомобил без да има положен возачки испит и возачка дозвола.
Од СВР Тетово информираат дека случајот бил откриен на 30 јуни во 22:50 часот, при сообраќајна контрола на регионалниот пат Ратае – Лешок. Полициски службеници од Полициското одделение Јегуновце запреле патничко возило „Форд Фиеста“ со тетовски регистарски ознаки, управувано од Е.М. (19).
При проверката било констатирано дека младиот возач управувал со возилото без положен возачки испит, односно без возачка дозвола.
Тој бил приведен во полициска станица, а возилото е привремено одземено. По целосното документирање на случајот, против него ќе биде поднесен соодветен поднесок.
