„Безобразието и навредите на СДС го достигнаа дното, веќе се зацементирани во талогот и нема назад“, велат од ВМРО-ДПМНЕ

ВМРО-ДПМНЕ преку соопштение упати остри критики кон СДСМ по прес-конференцијата на Богданка Кузеска, обвинувајќи ја опозициската партија за навреди и лицемерие, а нејзините обвинувања за криминал ги оцени како обид за нарушување на угледот на премиерот Христијан Мицкоски и партијата.

— реклама —

Во соопштението од 27 октомври, владејачката партија ги обвини поранешниот премиер Зоран Заев и лидерот на СДСМ, Венко Филипче, за поврзаност со сомнителни бизнис-зделки, како и за нивните поранешни односи со српскиот претседател Александар Вучиќ. Од ВМРО-ДПМНЕ тврдат дека СДСМ сега го критикува Вучиќ, иако претходно одржувала блиски односи со него.

— реклама —

Партијата побара Заев и Филипче да одговорат на прашања поврзани со фирми за производство на марихуана, наводно блиски до семејството Заеви, како и со измените на деталните урбанистички планови во Дојран, за кои тврди дека биле во интерес на нивни блиски лица.

ВМРО-ДПМНЕ ги обвини и претходните власти за измените на Кривичниот законик, за кои тврди дека биле направени со цел да се избегне одговорност за сомнителни зделки.

— реклама —

Во реакцијата, партијата го критикуваше СДСМ и поради коментарите за изборните резултати во други држави, оценувајќи дека опозицијата треба да се фокусира на сопствената политичка позиција и рејтингот во Македонија.

Соопштението завршува со иронично прашање упатено до СДСМ дали и вечерта ќе слави победа на изборите во Израел.