Безживотно тело извлечено од реката Драгор во Битола

Безживотно тело на 66-годишен битолчанец било пронајдено во реката Драгор, со што трагично завршила потрагата по него откако пред неколку дена бил пријавен за исчезнат.

— реклама —

Од СВР Битола информираат дека на 8 јуни било пријавено дека во населбата „Кланица“, кај местото викано „Дрвено мовче“, во водите на реката Драгор било забележано безживотно тело.

— реклама —

По извршеното препознавање било утврдено дека станува збор за В.К. (66) од Битола, за кого на 2 јуни негов роднина пријавил во полиција дека се оддалечил од домот и му се губи трагата.

— реклама —

Лекар од Итната медицинска помош од Битола констатирал смрт без видливи траги на насилство. По насоки на јавен обвинител, телото на починатиот е предадено на обдукција, која треба да ги утврди точните причини за смртта.

— реклама —

Увид на местото извршила увидна екипа на СВР Битола.