Био-пазарот во Кавадарци пред завршница, инвестицијата изнесува 26,5 милиони денари

Изградбата на Био-пазарот во Кавадарци се приближува кон завршница, а градежните работи се одвиваат со забрзано темпо, информира градоначалникот Митко Јанчев.

— реклама —

Со реализацијата на проектот, Кавадарци ќе добие современ и уреден простор наменет за локалните земјоделци, производителите на органска храна и малите семејни бизниси. На пазарот производителите ќе можат непосредно да ги продаваат своите производи, без посредници, со можност за фер цени и поголема доверба кај купувачите.

— реклама —

— реклама —

Јанчев посочува дека целта е да се поттикне домашното производство, да се поддржат локалните производители и да се создадат подобри услови за пласман на земјоделските производи. Просторот ќе биде сертифициран и наменет за промоција на органското производство и одржливата локална економија.

— реклама —

Инвестицијата на Општина Кавадарци изнесува 26,5 милиони денари плус ДДВ.