Утврдена конечната траса на вториот дел од обиколницата за Кавадарци

Подготовките за изградба на обиколницата околу Кавадарци напредуваат, откако на работен состанок во Општина Кавадарци беше усвоено конечното решение за вториот дел од трасата, на потегот од „Југо Комерц“ до Витач.

— реклама —

На состанокот присуствувале градоначалникот Митко Јанчев, претставници на Јавното претпријатие за државни патишта, општинската администрација, стручните служби, инженери, поголем дел од советниците, како и професори од Градежниот факултет, кои се вклучени како ревиденти на проектот.

— реклама —

Како што информира Јанчев, конечната траса била утврдена по разгледување на повеќе технички решенија и усогласување на стручните предлози.

— реклама —

Според очекувањата, до средината на следната година треба да биде завршена изработката на основниот и инфраструктурниот проект, по што ќе се создадат услови за распишување тендер и почеток на понатамошната реализација на терен.

— реклама —

Изградбата на обиколницата треба да го подобри сообраќајното поврзување и да го растовари градскиот сообраќај во Кавадарци.