Битолчанец и фирма пријавени за даночно затајување, УЈП утврдила долг од над 500 илјади денари

СВР Битола поднело кривична пријава против 69-годишен битолчанец и правно лице од градот поради сомнение за сторено кривично дело „даночно затајување“.

— реклама —

— реклама —

Според информациите од МВР, пријавениот, кој бил управител на фирмата, за 2024 година делумно избегнал плаќање данок на добивка, прикажувајќи расходи за кои во книговодствената евиденција не приложил веродостојна документација или спецификација на трошоците.

— реклама —

— реклама —

По извршената контрола, Управата за јавни приходи донела решение со кое на правното лице му наложила да уплати вкупно 501.765 денари, сума во која е пресметана и камата.