Борељ: Руската агресија против Украина ја промени историјата на Европа, но не и географијата

Високиот претставник на Европската унија за надворешна политика и безбедност, Жозеп Борел, по повод двегодишнината од војната во Украина, рече дека ЕУ е на страната на Киев од почетокот на конфликтот, што, како што наведе, преку насилство ја промени историјата на Европа, но не и нејзината географија.

— реклама —

— реклама —

„Одбележуваме две години од бруталната руска агресија врз Украина. ЕУ е на страната на украинскиот народ од тоа трагично утро што ја промени историјата на Европа, но нема повторно насилно да ја промени нејзината географија“, напиша денеска Борељ на платформата Х.

— реклама —

Претседателката на Европската комисија, Урсула фон дер Лајен денеска пристигна во Киев, по повод одбележувањето на двегодишнината од руската агресија врз Украина, а меѓу другите, италијанскиот премиер Џорџо Мелони, белгискиот премиер Александре Де Кроа а во таа земја пристигна и канадскиот премиер Џастин Трудо.