Брачен пар пронајден мртов во заклучен стан во Белград

Шок го потресе белградски Врачар откако во четвртокот попладне во стан на улицата „Грчиќа Миленка“ биле пронајдени безживотните тела на брачен пар, пренесува српскиот „Телеграф“.

— реклама —

Станува збор за Д.М. (80) и неговата седум години помлада сопруга Ж.М. (73). Влезната врата била заклучена одвнатре, а откако бравата била отворена, спасувачите и роднините ги пронашле телата на сопружниците во една од просториите.

— реклама —

На местото пристигнале полициски екипи и екипа на Итната медицинска помош, која можела само да констатира смрт кај двајцата сопружници.

Според првичните наоди од увидот и проценките на форензичарите, на телата немало видливи траги на насилство што би упатувале на кривично дело или вмешаност на трето лице.

— реклама —

За случајот било известено надлежното обвинителство, кое наредило телата итно да бидат пренесени во Институтот за судска медицина. Обдукцијата и токсиколошките анализи треба да го утврдат точниот причинител на смртта, односно дали станува збор за природна смрт што настапила во исто време или за труење со гас.

— реклама —

Истрагата е во тек, а соседите велат дека брачниот пар бил мирен и повлечен и со неверување се обидуваат да утврдат што се случило зад заклучената врата.