Брисел денеска ќе го оцени напредокот на Македонија на патот кон Европската Унија

Европската Унија денеска ќе ги објави годишните оценки за напредокот на земјите што се стремат кон членство, откако европската комесарка за проширување, Марта Кос, ќе го претстави Пакетот за проширување за 2026 година.

— реклама —

Документот опфаќа десет земји кандидати и потенцијални кандидати, а Европската комисија во него ги анализира спроведените реформи, постигнатите резултати и предизвиците со кои се соочуваат државите во процесот на приближување кон Унијата. Извештаите содржат и препораки за идните чекори во евроинтеграциите.

— реклама —

Меѓу земјите што ќе бидат опфатени со оценките е и Македонија. Нејзиниот пристапен процес останува во застој поради условот за уставни измени, односно внесување на бугарската заедница во Уставот.

— реклама —

По објавувањето на пакетот, известувачите на Комитетот за надворешни работи на Европскиот парламент ќе подготват посебни нацрт-резолуции за секоја земја. Во нив ќе бидат содржани ставови и препораки за понатамошниот напредок кон членство во ЕУ.

— реклама —

Пакетот за проширување се објавува еднаш годишно и претставува основен документ преку кој Европската комисија го следи и оценува напредокот на државите што сакаат да станат дел од Унијата.