Британски државјани со „ауди“ излетале од патот на магистралата Кичево–Охрид

На 10 јуни 2026 година, во 17:50 часот, во СВР Охрид било пријавено дека на магистралниот пат Кичево–Охрид се случила сообраќајна несреќа во која тешко е повредена 23-годишна државјанка на Обединетото Кралство.

— реклама —

Според информациите од Министерството за внатрешни работи, патничко возило „ауди“ со скопски регистарски ознаки, управувано од К.У.К. (23) од Обединетото Кралство, удрило во метална заштитна ограда, по што излетало надвор од коловозот.

— реклама —

— реклама —

Во несреќата тешки телесни повреди се здобила неговата 23-годишна сопатничка Б.А., исто така од Обединетото Кралство. Повредите биле констатирани во Специјалната болница „Свети Еразмо“ во Охрид, каде ѝ била укажана лекарска помош.

— реклама —

Увид на местото на несреќата извршила увидна екипа од СВР Охрид, а причините за сообраќајната незгода се утврдуваат.