Американската поп пејачка Бритни Спирс го изрази своето незадоволство од снимањето документарни филмови за нејзиниот живот, посочувајќи дека тие документарни филмови се од навредлив карактер и дека немаат позитивно влијание врз одлуката на судот да го прекине старателството што го имал нејзиниот татко над неа од 2008 година, објавија Американските медиуми.
Пејачката од 2008 година нема контрола врз финансиите со судска одлука, како и при носењето одлуки за некои важни прашања во нејзиниот живот.
Старателството конечно беше прекинато во ноември минатата година, а во јавноста се шпекулираше дека на ваквата одлука на судот влијаеле документарните филмови кои беа објавени за Спирс.
Пејачката сега изјави дека сите филмови за неа биле од навредлив карактер.
„Никогаш не сум се чувствувала повеќе малтретирана во оваа земја. Тоа е лудо… и ајде сериозно, дали е навистина легално да се снимаат толку многу документарни филмови за некого без негова дозвола??!“, праша Бритни Спирс на Инстаграм, додавајќи:
„Сериозно, размислете за тоа... Никогаш не сум видела толку многу документарни филмови направени на една личност... Вил Смит, Гвинет Палтроу, Џенифер Лопез... Ниту една личност на лицето на земјата не би сакала - зошто е ова важно - ископајте толку многу негативни снимки и направете посебни часови тврдејќи дека ми „помага“. Навистина?“.
За животот на американската ѕвезда за краток период беа снимени три документарни филмови: „Controlling Britney Spears“ на платформите EX и Hulu,
„Framing Britney Spears“ на Нетфликс и „Britney Spears“ на Би-Би-Си.
