Бројот на загинати во израелската војна во Газа достигна 73.910, додека 174.914 лица се повредени, според најновите податоци на Министерството за здравство во Газа, пренесува „Ал Џезира“.
Се верува дека илјадници Палестинци и натаму се затрупани под урнатините. Истражувачите очекуваат бројот на жртвите да надмине 100.000 кога ќе бидат евидентирани сите жртви.
Студија објавена во ноември од Институтот „Макс Планк“ за демографски истражувања во Германија проценила дека 100.000 луѓе биле убиени во Газа во првите две години од војната.
Израел ја започна опсадата на оваа енклава на 8 октомври 2023 година.
