Брвеница избира нов градоначалник, на гласачкото ливче шест кандидати

Жителите на Општина Брвеница утре ќе избираат нов градоначалник на предвремените локални избори, распишани по смртта на дотогашниот градоначалник Јовица Илиевски, кој почина на 23 јуни 2026 година, на 58-годишна возраст.

— реклама —

Според податоците на Државната изборна комисија, денеска на гласање се 88 болни и изнемоштени лица.

— реклама —

За градоначалничката функција се натпреваруваат шест кандидати од четири политички блока и двајца независни кандидати. Стојанчо Радически е кандидат на коалицијата „Твоја Македонија“, предводена од ВМРО-ДПМНЕ, додека Јовица Радески е кандидат на коалицијата предводена од СДСМ.

Меѓу кандидатите се и независниот Душан Богдановски, Јакуп Усеини од коалицијата ВРЕДИ, независната кандидатка Арифе Идризи и Аркин Јахији од Националната алијанса за интеграција (НАИ).

— реклама —

Во изминатите месеци, функцијата вршител на должноста градоначалник ја извршуваше Роберт Милошески.

Избирачките места утре ќе бидат отворени од 7 до 19 часот. Во избирачкиот список во десетте населени места во Општина Брвеница се запишани вкупно 16.256 избирачи. Од нив, 449 се на привремена работа во странство, додека девет избирачи се наоѓаат во затвор или во притвор.