Излезноста во Брвеница 2,46 отсто до 9 часот, двојно помала од првиот круг во 2025 година

Мал број избирачи го искористиле своето право на глас во првите часови од предвремените избори за градоначалник на општина Брвеница. До 9 часот утринава на гласање излегле 400 граѓани, односно 2,46 отсто од запишаните избирачи, соопшти портпаролката на Државната изборна комисија (ДИК), Радица Тодоровска-Алексовска.

— реклама —

Утринската излезност е двојно помала во споредба со првиот круг од локалните избори во 2025 година.

— реклама —

— реклама —

Според информациите од ДИК, гласањето се одвива непречено.

Право на глас на овие избори имаат 16.256 избирачи, кои гласаат на вкупно 24 избирачки места. За градоначалничката функција се натпреваруваат шест кандидати.