Бугарија гласа: Излезноста до 18 часот достигна 19,8 отсто

Излезноста на изборите во Бугарија до 18 часот изнесувала 19,8 отсто, покажуваат податоците од излезната анкета на социолошката агенција „Тренд“, спроведена по нарачка на телевизијата НОВА.

— реклама —

Вкупно 6.590.000 граѓани имаат право на глас и можат да избираат меѓу 27 кандидатски двојки за претседател и потпретседател. За 46.001 бугарски граѓанин ова се први избори на кои имаат право да гласаат.

— реклама —

Изборниот ден започнал во 7 часот, а треба да заврши во 20 часот. Доколку пред избирачките места има граѓани кои сè уште не гласале, гласањето може да биде продолжено најдоцна до 21 часот.

— реклама —

Во Бугарија има 9.373 избирачки места во кои се гласа со машина, а во 2.249 од нив се поставени по две машини. Вкупниот број машини за гласање изнесува 11.622.

За гласањето во странство се отворени 613 избирачки места во 60 држави. Во 242 од нив се гласа со машина, а во 24 има по две машини. Најмногу избирачки места во странство се предвидени во Обединетото Кралство – 82, Турција – 78, Германија – 70, Шпанија – 67 и САД – 44.