На Фејсбук-страницата „Во одбрана на Буњаковец“ е објавено предупредување дека се појавила нова дупка на коловозот кај маркетот „Зур“, на улицата „Владимир Полежиновски“, позната меѓу постарите скопјани и како „Иван Милутиновиќ“.
Во објавата се поставуваат прашања до Општина Центар и општинскиот инспекторат дали се врши контрола на тешката градежна механизација што сообраќа по улиците и дали инвеститорите сносат одговорност за оштетувањето на коловозите и тротоарите.
„Контролира ли некој од Општина Центар и инспекторатот што прави претешката механизација на нашите улици? Дали инвеститорите што носат тешка механизација имаат некаква одговорност за уништувањето на коловозите и тротоарите? Кој треба да ја надомести штетата ако граѓаните ги оштетат своите возила по вакви дупки или поради нив настанат сообраќајни несреќи?“, се наведува во објавата.
Од страницата апелираат надлежните институции да излезат на терен, да го санираат оштетувањето и да утврдат дали постои одговорност за настанатата штета.
