Царината спречи четири обиди за криумчарење злато за две недели

Царинската управа во изминатите две недели спречила четири обиди за криумчарење злато, информира директорот Бобан Николовски.

— реклама —

Како што истакна Николовски, на граничниот премин Меѓународен аеродром Скопје биле откриени три обиди за криумчарење злато со вкупна тежина од 285 грама и вредност од околу 23 илјади евра. Претходно, Царинската управа информираше и за уште еден спречен обид на граничниот премин Богородица.

— реклама —

— реклама —

Во сите случаи златото е запленето, а против осомничените се поднесени кривични пријави.

— реклама —

Николовски се осврна и на претходен случај на аеродромот во Скопје, каде царински службеници спречиле криумчарење на 1,7 килограми златен накит, кој во текот на постапката бил проценет од судски вештак на речиси еден милион евра.