Цените на енергијата во Германија скокнаа за 14,9 отсто за една година

Сè поголем број компании во Германија планираат да ги зголемат цените на своите производи и услуги поради растот на трошоците за енергија, покажува извештајот на минхенскиот Институт за економски истражувања „Ифо“.

— реклама —

Индикаторот за очекувањата за цените во септември се зголемил на 22,7 поени, во споредба со 21,4 поени во август. Од „Ифо“ оценуваат дека компаниите сè повеќе ги пренесуваат повисоките трошоци за енергија врз крајните потрошувачи.

— реклама —

Горивата и мазутот веќе значително поскапеле, а во текот на зимата се очекува дополнителен раст на цените на електричната енергија и гасот. Најголем притисок е забележан во индустријата со висока потрошувачка на енергија и во трговијата.

Во септември цените на суровата нафта, гасот и електричната енергија достигнале највисоки нивоа од крајот на 2022 година.

— реклама —

Во меѓувреме, според прелиминарните податоци на германскиот Завод за статистика, годишната инфлација во земјата во септември забрзала на 3,3 отсто, од 2,9 отсто во август. Тоа е највисоко ниво од декември 2023 година.

Потрошувачките цени на месечно ниво пораснале за 0,6 отсто, при што главен фактор бил новиот раст на цените на енергенсите. Енергијата во септември била за 14,9 отсто поскапа во споредба со истиот месец минатата година, што претставува забрзување во однос на августовскиот раст од 10,5 отсто.