Четири пријави за семејно насилство за едно деноноќие, две лица уапсени

Министерство за внатрешни работи информира дека во последното деноноќие биле евидентирани четири случаи на семејно насилство, при што две лица биле лишени од слобода.

— реклама —

Во Штип, полициски службеници од СВР Штип на 20 мај во 13:40 часот го лишиле од слобода К.Д.(33) од Штип, по пријава дека околу 03:00 часот, по расправија во семејниот дом, физички ја нападнал својата 32-годишна сопруга.

— реклама —

Во Скопје, 38-годишен маж пријавил дека на 18 мај околу 17:00 часот во семејниот дом во населбата Драчево добивал закани од неговата 33-годишна сопруга.

Во Тетово, полициски службеници од СВР Тетово го лишиле од слобода Ј.Д.(73), постапувајќи по пријава од неговата 66-годишна сопруга дека во семејниот дом ѝ се заканувал со остар предмет.

— реклама —

Дополнително, во Гостивар, 36-годишна жена пријавила дека по претходна расправија нејзината свекрва се обидела да ја нападне со тврд предмет.

— реклама —

Од МВР велат дека се преземаат мерки за расчистување на случаите и по нивното целосно документирање ќе бидат поднесени соодветни пријави.