Во текот на изминатото деноноќие Министерството за внатрешни работи евидентирало четири случаи на семејно насилство, при што едно лице е лишено од слобода, а со две лица е извршен службен разговор.
Во Гостивар, 28-годишна жена од гостиварско село пријавила дека нејзиниот сопруг Ф.А. во нивниот дом физички ја нападнал неа и нивниот 10-годишен син, при што употребил и тврд предмет. Од полицијата информираат дека се преземаат мерки за расчистување на случајот.
Во друг случај, во СВР Тетово, 28-годишен жител на село во гостиварско пријавил дека бил физички нападнат од својата баба. И за овој настан се преземаат соодветни мерки.
Во Полициската станица Кисела Вода, полициски службеници извршиле службен разговор со Ј.А. (39) од скопско и В.П. (36) од Скопје, по пријава дека во семејниот дом физички го нападнале 68-годишниот татко на Ј.А. По целосното документирање на случајот ќе следува соодветен поднесок.
Во Кавадарци, пак, полициски службеници ја лишиле од слобода 38-годишната З.С., откако била пријавена дека физички го нападнала својот 38-годишен сопруг во семејниот дом. За случајот е известен јавен обвинител, а по неговото целосно расчистување против неа ќе биде поднесена соодветна пријава.
