Четири вечери, различни музички изрази: Охрид џез фестивал од 27 до 30 август

Охрид од 27 до 30 август ќе биде домаќин на Охрид џез фестивал 2026, кој носи четири вечери со различни музички изрази, обединети преку џезот.

— реклама —

Фестивалската програма започнува на 27 август со Вечер на млади музичари, на која, под наслов „Ехо од Македонија“, ќе настапат ученици и професори од ОМУ „Методи Патче“ од Охрид.

— реклама —

На 28 август следува Етно џез вечер, со настап на дуото Сашко Костов и Орхидеја Дукова.

Третата фестивалска вечер, на 29 август, е посветена на класичниот џез. На сцената ќе настапат Дамјан Пејчиноски на гитара, Зоран Јагоридовски на перкусии, Дејан Милосавлевиќ на тапани, Гордан Спасовски на пијано и Горан Гешовски на бас-гитара.

— реклама —

Фестивалот ќе заврши на 30 август со Меѓународна џез вечер, на која ќе настапи Branko Sterpin Quartet, со специјалниот гостин Tim Lassy од Финска.

Организаторите најавуваат четири вечери со различни музички приказни, обединети од заедничката љубов кон џезот.