Човек почина од хантавирус во САД

Возрасно лице во американската сојузна држава Колорадо почина откако било потврдено дека е заразено со хантавирус, соопштија здравствените власти.

— реклама —

Здравствените служби наведуваат дека сојот на хантавирус што ја предизвикал смртта редовно се појавува во руралните делови на Колорадо во овој период од годината, поради зголемениот контакт меѓу луѓето и глодарите.

Изворот на заразата сè уште се истражува.

— реклама —

Хантавирусот најчесто се пренесува преку глодари, а во ретки случаи може да се пренесе и од човек на човек по подолг близок контакт.

— реклама —

Инкубацијата може да трае и до шест недели.

Во меѓувреме, Светската здравствена организација претходно соопшти дека на луксузниот крузер „MV Hondius“ биле регистрирани повеќе случаи на тешки респираторни заболувања поврзани со хантавирус.

— реклама —

На бродот биле потврдени осум случаи на зараза и два сомнителни случаи, а три лица починале. Сите патници биле ставени во карантин.