Црна Гора може до крајот на годината да ги отвори сите преговарачки поглавја со ЕУ

Црна Гора би до крајот на годинава можела да ги отвори сите преговарачки поглавја за членство во Европската Унија, но конечниот напредок ќе зависи и од политичките околности и од одлуките на земјите членки.

— реклама —

Ова го изјави главниот преговарач на Црна Гора со ЕУ, Предраг Зеновиќ, на конференцијата „Move. Link. Engage“ во Белград. Тој посочи дека ниту една држава не може со сигурност да предвиди кога некоја земја ќе стане членка на Унијата, но оцени дека Црна Гора има јасен план и континуирано работи на неговото спроведување.

— реклама —

„Вчера ги испративме до Советот на ЕУ последните преговарачки позиции за преостанатите поглавја и Црна Гора до крајот на годината може да ги отвори сите преговарачки поглавја. Дали тоа ќе се случи, не можам да дадам категоричен одговор“, рече Зеновиќ, додавајќи дека верува оти тоа ќе се реализира.

Говорејќи за билатералните прашања, тој оцени дека тие претставуваат посебен предизвик во процесот на проширување, но не треба да ги засенат принципите и критериумите врз кои се темели пристапувањето кон ЕУ. Сепак, нагласи дека земјите членки имаат суверено право да одлучуваат за напредокот на државите кандидати.

— реклама —

Зеновиќ изрази уверување дека е можно да се постигне компромис со Хрватска во предвидениот рок.

На прашањето дали Црна Гора би прифатила некаков облик членство во ЕУ без право на вето, тој одговори дека целта на земјата е полноправно членство во Унијата.