Дел од Карпош денес ќе биде без вода поради дефект на водоводната мрежа

Жителите на дел од Општина Карпош денес ќе останат без вода поради дефект на водоводната мрежа, информира Регионалниот центар за управување со кризи – Скопје.

— реклама —

— реклама —

Поради дефект на затворач со пречник од 150 милиметри на улицата „Народен фронт“ број 21, прекинато водоснабдување ќе имаат корисниците на дел од истата улица, на потегот од Домот на печатот до улицата „Франклин Рузвелт“, како и дел од улицата „Васил Ѓорѓов“.

— реклама —

Водоснабдувањето ќе биде прекинато од 08:30 часот и ќе трае до завршување на санацијата на дефектот.