Дел од Скопје утре без вода и струја: Проверете дали сте на списокот

Дел од корисниците во општините Карпош и Центар во вторник, 25 август, ќе имаат прекин во водоснабдувањето, а без електрична енергија ќе останат и делови од Карпош, информираат од ЈП „Водовод и канализација“ и ЕВН Македонија.

— реклама —

Поради изведување водоводен приклучок на улица 2 бр. 2 во Козле, без вода од 09:00 часот до завршување на работите ќе останат корисниците од улица 2 и дел од улица „Козле“ – висока зона.

— реклама —

— реклама —

Во општина Центар, поради дефект на приклучна цевка на улица „Мирче Ацев“ бб, прекин во водоснабдувањето од 08:30 часот до завршување на санацијата ќе имаат корисниците од дел од улиците „Мирче Ацев“ и „Мирче Мацан“.

Од ЕВН Македонија, пак, информираат дека поради исклучување на нисконапонски извод од електроразводен ормар за нов нисконапонски приклучок, без електрична енергија од 10:00 до 15:00 часот ќе останат корисници во Карпош.