Делови од Драчево и Карпош утре ќе останат без вода

ЈП „Водовод и канализација“ информира дека утре (6 август), поради санација на два улични дефекти, ќе има прекин во водоснабдувањето во делови од Скопје.

— реклама —

Поради дефект на водоводна цевка на улицата „Драчевска“, во близина на црквата, без вода од 8:30 часот ќе останат корисниците од селото Драчево, во Општина Кисела Вода. Водоснабдувањето ќе биде обновено по завршувањето на санацијата.

— реклама —

— реклама —

Прекин во водоснабдувањето ќе има и поради дефект на улицата „Рајко Жинзифов“ бр. 32. Од 8:00 часот без вода ќе бидат дел од корисниците на улиците „Рајко Жинзифов“, „Владимир Полежиновски“, „Стефан Јакимов-Дедов“ и „Борка Талевски“.

Од претпријатието посочуваат дека водоснабдувањето на двете локации ќе биде нормализирано по завршувањето на интервенциите.