Делови од Ѓорче Петров и Сопиште денес без струја, прекини на вода во Чаир и Карпош

Поради зафати во електродистрибутивната и водоводната мрежа, денес (12 мај) делови од Скопје ќе останат без електрична енергија и вода, информира Центарот за управување со кризи.

— реклама —

Од ЕВН Македонија АД известуваат дека без електрична енергија ќе останат:

– од 09:00 до 14:00 часот, дел од корисниците на улица „95“ во населбата Волково, во општина Ѓорче Петров;

— реклама —

– од 12:00 до 15:00 часот, дел од корисниците на улица „16“ во село Долно Соње, во општина Сопиште.

— реклама —

Од ЈП „Водовод и канализација“ – Скопје информираат дека поради интервенции во водоводната мрежа, прекинато водоснабдување ќе има:

– од 09:00 часот до завршување на интервенцијата, на улица „Коста Абрашевиќ“ бб, кај ОУ „Хасан Приштина“, при што без вода ќе останат корисниците од улиците „Коста Абрашевиќ“, „Цветан Димов“, „Панче Неделковски“, „5-ти Мај“ и „Кемал Ататурк“ во општина Чаир;

— реклама —

– од 09:00 часот до завршување на интервенцијата, поради зафати на булевар „Партизански одреди“ бр. 48а, без вода ќе останат дел од корисниците од булеварот „Партизански одреди“ и околината, во општина Карпош.