Денес протест во Богданци по убиството на 17-годишната Билјана

Граѓани ќе излезат на протест вечерва во Богданци по убиството на 17-годишната девојка, за кое беше осомничен нејзиниот поранешен партнер, 21-годишникот кој потоа си го одзеде животот.

— реклама —

Според повикот што се споделува на социјалните мрежи, протестот ќе започне во 19 часот во Градскиот парк во Богданци.

— реклама —

Организаторите повикуваат на заедничко изразување револт, солидарност и барање правда, како и на поголема одговорност и заштита на жените од насилство.

„Да не молчиме пред насилството врз жените и да побараме поголема одговорност, заштита и навремена реакција од институциите“, се наведува во повикот, со порака дека насилството не смее да се премолчува.

— реклама —

— реклама —